Við getum ekki látið þetta viðgangast

Það er algerlega óásættanlegt að tannheilsa íslenskra barna sé á þann veg sem hér er lýst. Því miður erum við talsvert á eftir öðrum velferðarríkjum hvað þetta varðar, og þurfum að taka á strax. Tannlækningar barna og unglinga ættu að vera gjaldfrjálsar eins og önnur heilsuvernd fyrir þennan aldurshóp. Vinstri græn hafa lagt til í sinni stefnuskrá að tannlækningar væru gjaldfrjálsar fyrir þessa hópa. Jafnvel þó að af hljótist kostnaður fyrir ríkið, er nokkuð ljóst að kostnaður við að gera ekki neitt í samfélagslegu tilliti væri enn meiri.

 

Óásættanlegt ástand

Athugasemdir

[Guðjón Sigþór Jensson, 13.5.2009 kl. 12:04]

Sammála þér Ólafur rétt eins og nánast alltaf.

Við eigum að taka okkur nágrannaþjóðirnar okkur til fyrirmyndar. Öflugt forvarnarstarf í þessum málum er ekki nóg, það verður að bæta tannheilsuna sem aðra heilsu.

Mosi

[Valnastakkur (IP-tala skráð) 13.5.2009 kl. 12:07]

Það gagnar lítið að veita ókeypis börnum 3 - 18 ára ókeypis tannlæknaþjónustu.

Strax og og börnin skríða yfir aldurshámarkið tekur vanrækslan við. Fólk hefur trauðla efni á að

fara til tannlæknis, ef tannhirðan hefur farið úrskeiðis eftir 18 ára aldur.

Ókeypis tannlæknaþjónusta fyrir börn 3 - 18 ára hefur bara áhrif á tölfræðilega stöðu Íslendinga

þegar þjóðir eru bornar saman. Krafan er því, að litið verði á tannsjúkdóma á sama hátt og alla aðra sjúkdóma, sem hrjá okkur. Paradentose er sjúkdómur, sem ekki er hægt að uppræta beð

reglulegri tannhirðu. Stoðar lítið að berjast gegn þeim sjúkdómi með því að bursta tennur reglulega.

-V

[Hildur Helga Sigurðardóttir, 13.5.2009 kl. 15:36]

Tek undir hvert orð hjá þér, Ólafur Þór.   Fæ sjálf gríðarleg viðbrögð ef mér verður á að minnast á mál sem snerta tannheilsu.  Enda er ekki nóg með að Tryggingastofnun hafni því alfarið að tennur -barna eða fullorðinna- séu hluti af mannslíkamanum, heldur er einhvern veginn eins og tann- og munnholssjúkdómar flokkist undir feimnismál.

Vonandi ert þú líka sammála mér um að að fullorðnir einstaklingar, sem hafa liðið áratuga þjáningar vegna slysa eða sjúkdóma í æsku, fái réttlátari meðferð en nú er.

Sem lækni er þér svo eflaust kunnugt um það, hvað slæmt og langvarandi ófremdarástand í þessum málum, getur haft alvarlegar afleiðingar fyrir ALLAN mannslíkaman -sálina líka.

[Ólafur Þór Gunnarsson, 14.5.2009 kl. 00:47]

Þakka athugasemdir. Ég er sammála ykkur öllum að tannheilsa er jafn mikilvæg og önnur heilsa. Það er enginn vafi að þetta á við á öllum aldri. Það eru margir sjúklingahópar bæði taugasjúkdómar, gigtsjúkdómar, beinþynning og fleiri þar sem tennur verða illa úti, og ætti þeir einstaklingar mæta alltof litlum skilningi í heilbrigðiskerfinu. Það er í sjálfu sér dálítið skrítið að munnholssjúkdómar margir hverjir eru flokkaðir sem sjúkdómar, en þegar komið er í  harðari vef (tennur) er eins og kerfinu sé sama. Þessu þarf að breyta.