Bjarni Harðarson : "Ísland skal á ESB hraðlestina"

Ef notuð er sama aðferðafræði við túlkun ummæla og Bjarni Harðarson fyrrverandi framsóknarmaður notar á blogg síðu sinni (bjarnihardar.blog.is) má túlka ummæli hans á þann hátt að hann vilji fara inn í ESB með hraði. Þar með mætti halda því fram að hann væri að svíkja vini sína og kjósendur með afgerandi hætti. En svo er ekki, a.m.k. held ég að svo sé ekki.

Bjarni velur að afflytja og slíta úr samhengi ummæli Guðfríðar Lilju Grétarsdóttur af landsfundi VG þar sem hún sagði á afgerandi hátt að hagsmunum Íslands væri best borgið utan ESB. Ég var á fundinum, en varð ekki var við Bjarna. Lilja sagði einnig að ef til kæmi að Íslendingar færu í viðræður þá ætti að taka ákvörðun um aðild á lýðræðislegan hátt, með þjóðaratkvæðagreiðslu, þannig flokkur væri VG.

Það er merki um mikla málefnafátækt hjá Bjarna og samtökum hans að velja að afflytja stefnu VG í Evrópumálum. Bjarna væri nær að útskýra hvers vegna hann fór á þing fyrir flokk sem á þeim tíma var helsti málsvari ESB aðildar á Íslandi.

Athugasemdir

[Guðbjörg Elín Heiðarsdóttir, 23.3.2009 kl. 10:11]

Ætla nú bara rétt að vona að Bjarni karlinn hafi ekki áhuga á að mæta á fundi hjá VG, ja þá væri hann orðinn ansi illa haldinn, sem ég veit að hann er EKKI.    Núna korteri fyrir kosningar vilja flokkarnir ræða um aðild að ESB og hvernig eigi að haga þeim umræðum. Við hvað eru þeir hræddir ,ef þeir sleppa umræðum um ESB aðild ?  Að fá ekki nógu góðar kosningar í vor, eða hvað ?  L- listinn þorir að segja sitt álit og eitt að því er að vera á móti ESB. Það er meira en margir aðrir þora ekki að gera eða segja, þó svo að þeir séu á móti ESB aðild t.d.

[JBJ (IP-tala skráð) 23.3.2009 kl. 14:49]

Ætlið þið kommakrílin að koma okkur til hell???

[Guðmundur Auðunsson, 24.3.2009 kl. 14:38]

ESB málin eru "Red Herring" hjá mörgum Samfylkingarmönnum, þetta er einfaldlega ekki það mál sem skiptir mestu í dag. Þó að við vildum ganga í ESB á morgun tekur ferlið mörg ár í það besta. Ég er algjörlega sammála Lilju í þessu máli. Persónulega tel ég hagsmunum okkar betur borgið utan ESB, það þarf allavega mikið til að sannfæra mig um að skipta um skoðun, enda er ég alþjóðahyggjumaður, ekki svæðablokkamaður. Það er í lagi að því að líta alvarlega á málið og setja það í einhverskonar lýðræðislegt ferli, s.s. með því að hefja könnunarviðræður við ESB. Ekkert að því. En þetta er einfaldlega ekki mál málanna í dag þó sumum Samfylkingarmönnum hafi brugðið svo mikið við hrunið eftir að þeir gáfu Sjálfstæðisflokknum frítt spil í efnahagsmálum í fyrri ríkisstjórn að þeir vilji finna einhverja aðra til að "stjórna efnahagnum". En meðan eldarnir brenna er engin ástæða að eyða öllu púðrinu í að tala um eldvarnareftirlitið, fyrst þarf að slökkva eldana.