Ekki allt satt, gott og rétt

Það er gott að Geir skuli nú loksins vera í standi til að segja að ekki sé allt satt, gott og rétt sem Davíð Oddson segir. Mér hefði ekki þótt óeðlilegt að hann gagnrýndi fleiri ummæli Davíðs, en látum hann njóta vafans, kannski sagði hann það en var ritskoðaður eða klipptur til af blaðamanni.

Raunar er sorglegt að þessi ræða Davíðs skuli algerlega hafa yfirskyggt allar aðrar fréttir af fundi Sjálfstæðismanna. Þjóðin hefði þurft að heyra meira um einkavæðingaráform þeirra í heilbrigðiskerfinu svo eitthvað sé nefnt, niðurskurð í velferðarkerfinu já og "nýjar lausnir" í skólamálum. Fjölmiðlar hafa þá skyldu að segja frá því sem er efst á baugi í samfélaginu, og fyrir kosningar ættu þeir að einbeita sér að því sem flokkarnir stefna að eftir kosningar.

Geir: Ómaklegt hjá Davíð

Athugasemdir

[Ingibjörg Hinriksdóttir, 29.3.2009 kl. 22:56]

Það hefði nú verið í lagi líka ef Geir hefði nafngreint ræðumanninn sem las yfir hausamótunum á Vilhjálmi Egilssyni. En honum er þó vorkunn, líklegast best að hafa vaðið fyrir neðan sig þegar kemur að DO.

[Elín Sigurðardóttir (IP-tala skráð) 30.3.2009 kl. 15:53]

Já það er aldeilis að sjálfstæðismenn voga sér að gagnrýna heilagan Davíð frelsara sinn! Löngu komin tími á það. Já það er alltaf varhugavert þegar sjálfstæðismenn fara að tala um "lausnir" . Ég man td. þegar Gísli Marteinn kallaði mislæg gatnamót á kringumýrarbraut og miklubraut "umhverfislausn" það var algjör snilld