Þvílíkt tilboð !

Það er í sjálfu sér fyrirsjáanlegt að útrásarlýðurinn ætli nú að reyna að kaupa aftur eigin mistök og reyna að græða á þeim sem eiga hlut í Exista. Þeir meta nú fyrirtækið 2 prómill af því sem nafnvirði segir til um. Auðvitað eru þeir ekki að gera þetta af manngæsku einni saman heldur vegna þess að þeir eru með áform tengd þessari yfirtöku sem þeir vilja ekki að núverandi hluthafar fái hlutdeild í. Ég er sammála Vilhjálmi Bjarnasyni um að menn eiga að varast þetta og sjálfsagt að fá hlutlaust verðmat. Fólk ætti að vera búið að fá nóg af gæðum útrásargreyjanna og hafa allan vara á sér.

Ætlar að krefjast verðmats á Exista

Athugasemdir

[aaa (IP-tala skráð) 19.4.2009 kl. 16:11]

er ekki í lagi með ykkur - félagið á ekki fyrir nema broti af skuldum og halda menn þá að hlutaféið sé einhvers virði

[Þórunn (IP-tala skráð) 19.4.2009 kl. 17:33]

Menninrnir eru sjálfir fyrir löngu búnir að dæma sig úr leik. Enga aumingjagæsku.

[Björn Birgisson, 19.4.2009 kl. 18:36]

Kannski er þetta tilboð raunhæft. Kannski ekki. Nú þarf að fara varlega, þegar útrásarvíkingar fara að skríða úr holum sínum. Nú ætti stefnan að vera sú að ná sem mestu af þeim. Þeir skulda þjóðinni morðfjár. Ef við gætum skilið þá eftir á brókinni einni saman - væri það sigur í sjálfu sér. Brókarlallasigur.

[Ragnar (IP-tala skráð) 19.4.2009 kl. 20:26]

Þegar auratilboðið barst mér var mín fyrsta hugsun að nú væri þetta verðlaust.  Ég var fyrst að hugsa um að skrifa undir til að fá eitthvað, en svo hugsaði ég að betra væri að gera ekkert.  Láta þá hafa meira fyrir þessu bræðurna.

En, mér datt í hug.  Hvað ef ALLIR sem hugsuðu svipað og ég gæfum Villa umboð til að fara með atkvæði sitt, gæti hann ekki hreinlega komist í stjórn félagsins og gert usla?  Þá fengi maður alla vega einhvern hasar fyrir peninginn.

Mín bréf voru hvort er eð minna virði en leikhúsferð!

[EE elle (IP-tala skráð) 19.4.2009 kl. 23:04]

Er ekki vægt að kalla þetta þeirra ´mistök´?  Stefnan ætti að vera að koma þeim buxnalausum út á kaldan klaka.