Aðgerðir strax

Enn meiri fjöldi er á góðri leið með að komast í neikvæða eignastöðu. Sumir þessara einstaklinga og fjölskyldna hafa misst vinnuna og eiga í raun engann séns á að snúa taflinu sér í hag án utanaðkomandi hjálpar.

Þessu fólki þarf að hjálpa. Hvort sem það er með því að fyrirbyggja að það lendi á götunni, með því að íbúðalánasjóður taki yfir húsnæði þeirra og leigi það til þeirra, eða að einhver hluti skulda þeirra verði felldur niður eða afskrifaður. Með flötum niðurfellingum yfir línuna ákveðum við að hjálpa þeim minna sem þurfa á því að halda. 

Eitt skilmerki fyrir því að vera í "fyrsta hópnum" sem fær hjálp gæti t.d. verið neikvæð eignastaða, eða atvinnuleysi. Það verður að byrja einhvers staðar og þetta er að mínu mati skársti upphafs punkturinn. Við megum heldur ekki gleyma hópnum sem er á leigumarkaði og getur ekki staðið undir leigu vegna tekjumissis eða hækkana. Þessum hópum þarf að hjálpa strax.

14 þúsund heimili eiga bara skuldir

Athugasemdir

[Gísli Ingvarsson, 11.3.2009 kl. 22:54]

Ólafur þetta ástand segir mér bara tvennt: a) það verður að afnema verðtrygginguna og lækka vexti. b) þar af leiðir þurfum við nýjan gjaldmiðil. Sem segir mér það að VG verður að ljá því máls að ganga í ESB! En hvað segir VG? Eru þeir of langt til vinstri til að fylgja reglugerðarsteypu sjálsftæðra kapítalískra ríkja eða eru þeir og grænir til að fatta hvað það væri nú snjallt að vera í pólitík innan ESB! Ef þér finnst þetta vera langtíma markið þá er ég ekki sammála. Þvi fyrr sem við tökum ákvörðun til lengri tíma því réttari skammtímalausnir finnum við.

[EE elle (IP-tala skráð) 11.3.2009 kl. 23:10]

Ólafur, bara hugsunin um að fólk missi heimili sem það bæði á og býr í og þurfi að fara að leigja það af e-m sjóði úti í bæ, ofbýður manni.  Ekki kenni ég þér um að koma með úrræði, en það er voðalegt að fólk skuli þurfa að missa allt sitt vegna ´glæpa´ fárra aumingja og mistaka yfirvalda.  Eðlilegast finnst mér að yfirvöld lækki gengisvísitölu allra gengislána og verðbólguvísitölu allra vísitölutryggðra lána, niður í e-ð visst.  Ef ekki, verður mismunun með ýmsu móti sem fólk mun ekki geta sætt sig við.  Yfirvöld brugðust almenningi og almenningur á ekki að borga fyrir það.  Ná þarf peningum af þeim sem fluttu milljarða úr landi og bæta almenningi e-ð tap.

[Maron Bergmann (IP-tala skráð) 11.3.2009 kl. 23:36]

Eins og staðan er hjá fjöldamörgum í dag er það gáfulegasta í stöðunni að hætta einfaldlega að borga af lánunum sem fólk er með á bakinu.  Líkurnar á því að ríkið felli niður skuldir okkar sem skuldum einvörðungu íbúðalánin okkar upp á einhverjar milljónir eru stjarnfræðilega litlar.

Þeim sem skulda hundruði og þúsundir milljóna verður bjargað fyrir horn og þeir missa í mesta lagi eigharhaldsfélögin sín á hausinn en halda öllu bling blinginu.

Það blasir við sú sorglega staðreynd að það er einfaldlega betra að láta setja sig á hausinn og byrja upp á nýtt með ónýta kennitölu og hverfa niður í neðanjarðar hagkerfið sem nú þegar er byrjað að stækka og vera þar í 7 til 10 ár, heldur en að vera í skuldafangelsi næstu 20 til 30 árin á meðan að maður er að borga af fasteign sem verður ennþá yfirveðsett eftir að maður verður fluttur á Hrafnistu.

[Ellert Júlíusson, 12.3.2009 kl. 20:46]

Eitt sem fólk má ekki gleyma Maron, er að ef þú ferð á hausinn þá ertu ekki "stikkfrí" eftir 10ár. Kröfuhafi þarf einvörðungu að gæta þess að endurvekja kröfuna og til þess eru komin ágætis gæðafyrirtæki sem sjá til að þú komist ALDREI úr skuldaklafanum.

Sorglegt en satt. 

[EE elle (IP-tala skráð) 12.3.2009 kl. 22:59]

Kannski þarf að breyta ólögunum sem gerir gjaldþrota fólk að föngum lánadrottna um aldur og ævi?