Skattahækkanir í boði Sjálfstæðisflokksins.

Það var ekki við öðru að búast úr þessari átt. Flokkurinn sem hefur lagt íslenska hagkerfið í rúst, m.a. með óskynsamlegum skattalækkunum, þykist nú geta sagt sig frá ábyrgð með því að benda á VG sem skattahækkanaflokk. Hvernig ætla Sjálfstæðismenn að rétta við fjárlagahallann sem þeir bera ábyrgð á ? Með niðurskurði í velferðarkerfinu upp á 50 milljarða ?

Við skulum átta okkur á því að skattalækkanir áranna 2005-2007 erum við nú að greiða fyrir með vöxtum og verðbótum með skattahækkunum á næsta ári. Það er nefnilega að koma í ljós að það var engin innistæða fyrir þeim skattalækkunum sem Sjálfstæðisflokkurinn og Framsókn ákváðu. Við fáum þær ákvarðanir nú í hausinn, og Sjálfstæðismenn bera þar fulla ábyrgð.

Skattmann er mættur aftur

Athugasemdir

[Rauða Ljónið, 28.3.2009 kl. 17:16]

Hugmyndir eru uppi innan Vinstrihreyfingarinnar-græns framboðs,  um að leggja á eignaskatt að nýju.  Steingrímur J. , fjármálaráðherra,  segir að hér raunverulega sé verið að tala um að leggja skatta á eignir venjulegs fólks sem  eigi að leggja eitthvað að mörkum eins og slíkt fólki geri í nágrannalöndunum.

Hann segir skattastefnuna, sem Sjálfstæðisflokkurinn hafði forystu um, vera hluta vandans í dag.  Skattar á almenning hafi verið of lágir .

Menn hafi hegðað sér með fullkomlega óábyrgum hætti.

  Þeir tímar séu nú liðnir og kerfi Sjálfstæðisflokksins sé hrunið í hausinn á okkur.

Og hækka verði skatta á almenning.

Það sé verkefni núverandi ríkisstjórnar að greiða úr því og það sé engin hausverkur.

Kerfið mun sjá um að innheimtur skili sér í ríkissjóð.

 Hinn nýji Skattmann.

Steingrímur segir skref í rétta átt.

 Eina nágrannalandið sem enn hefur eignarskatt er Noregur.  Svíar afnámu hann 2007.  Svo virðist sem skattatillögur VG séu sóttar til Noregs sem svo margt annað.

Afsökunarbeiðni Sjálfstæðisflokksins segir ráðherrann  að  Samfylkingin ætti eð gera það sama og þá eftir kosningar þeir hefðu dansað Hrunadansinn líka fullt og galið en þykja nú ekkert hafa þar komið nærri.

Þó svo að VG hafi lofað útrásina við síðustu kosningar bæði í ræðu og riti horfi málið öðruvísi við nú.  Það sé best gleymt og grafið.

Ég bendi fólki sem hefur áhuga að kynna sér skattastefnu VG nánar að kíkja á vef ríkisskattstjóra í Noregi.  Slóðin er:

 www.skatteetaten.no

[Jakob Falur Kristinsson, 28.3.2009 kl. 17:16]

Þeir kenna alltaf öðrum um eigin vitleysu.

[Ólafur Þór Gunnarsson, 28.3.2009 kl. 17:27]

Mér er frekar illa við að bregðast við kommentum seem ekki eru skrifuð undir nafni. Ég tel þó að það sé rétt að nefna að ef Sjálfstæðismenn, eða aðrir andmælendur skattastefnu VG, hafa aðrar eða betri hugmyndir um hvernig við viðhöldum velferðarkerfinu, menntakerfinu, þjóðvegum og annarri þeirri opinberri þjónustu sem við teljum vera hluta af nútíma samfélagi, án þess að afla meiri tekna, þá eigi þeir að segja það upphátt og án málalenginga. Öðrum kosti verða þeir hinir sömu að segja hvar og hvernig þeir vilja skera niður,- annað er ábyrgðarlaust hjal og ótrúverðugt.

[haukur gunnarsson (IP-tala skráð) 28.3.2009 kl. 17:43]

Þeir skattar sem skattmann ætlar að leggja á eru nú ekki stór partur af 40-50 miljörðunum, sem vantar upp á . Hvar ættlar skattmann að taka það sem upp á vantar, væri ekki gott að vita það. Er ekki  gott að byrja á aðstoðarmönnun þingmanna, hætta við aukin fjárútlát til listamanna.

[Andri Geir Arinbjarnarson, 28.3.2009 kl. 23:23]

Eina nágrannalandið sem enn hefur eignarskatt er Noregur.  Svíar afnámu hann 2007.  Svo virðist sem skattatillögur VG séu sóttar til Noregs sem svo margt annað. 

Ég bendi fólki sem hefur áhuga að kynna sér skattastefnu VG nánar að kíkja á vef ríkisskattstjóra í Noregi.  Slóðin er:

 www.skatteetaten.no

þetta skrifa ég á bloggsíðu mína 27.03 kl. 13:46

Rauða Ljónið, þér er frjálst að nota mitt blogg en vinsamlegast gættu þess að virða höfundarrétt og nefna heimildir sem þú notar

með fyrirfram þökk

Ólafur,

Ég er alveg sammála þér.  Allir flokkar þurfa að gera skýra grein fyrir því hvernig þeir ætla að brúa kr. 45m halla.  Hver verða hlutföllin milli skatta og niðurskurðar og hvar verður skorið niður og hvaða skattar verða hækkaðir, hversu mikið og á hverja.  2% eignarskattur á eignir yfir kr.8m er aðför að öldruðum, þínum skjólstæðingum.  Aldraðir þurfa að líða frádrátt á lífeyri vegna fjármagnstekna (ólíkt fólki á atvinnuleysisbótum) og 40 pláss á Landakoti á að loka.  Það er ekki alltaf hægt að láta mömmu og pabba borga fyrir öll axasköft afkvæma sinna.

Sjálfstæðisflokkurinn verður ekki við völd á næsta kjörtímabili svo þeirra stefna skiptir ekki máli.  Stefna S og B skiptir hins vegar máli.  

[Sigurður Hjaltested (IP-tala skráð) 31.3.2009 kl. 12:04]

Ég held að Vinstri G ættu að segja okkur hvernig þeir ætla að hjálpa atvinnurekendum það er jú forsenda þess að okkur hinum verði hjálpað. Ég greiði ekki mikkla skatta með enga vinnu. En það er auðvitað mun mikilvægara að loka nektardanstöðum en að halda fyrirtækjum landsins opnum.

Af hverju ekki að hækka skattin í 60-70% það skiptir hvort eð er engu máli VG hafa ekki hugmynd um hvað þarf til að halda fyrirtækjunum gangangdi þannig að það mun enginn þurfa að borga skatta hérna hvort eð er. Nema jú þingmenn.

Manni langar til asð refsa Sjálfstæðisflokknum fyrir þá vittleysu að fara í samstarf með samfylkingunni. En ég tel það ekki góða pólitík að refsa sjálfum sér bara til að geta refsað öðrum.

Það er jú alltaf Kanada ef þið náið völdum.